今晚約了吃冬至飯，Dora病了，所以不能前往。於是開了卡通台，讓Dora去看。怎知道她說︰我唔睇住，我想做咗功課先。
於是拿出聖誕功課，共有五版。跟她看一遍後，叫她留親子剪貼的一版明天再做後，她便埋頭做起來。
道了別，便走了。
回來的時候，Dora拿功課給我們檢查，一看，除了親子一版，全做好了。填顏色的功課做得尤其不錯，比起之前大有進步。然後她說︰我想依家做埋呢一版（親子功課）。
爸爸︰聽日先做，你先休息好嗎？
Dora: 但係我真係好想做喎，我好鍾意做功課㗎！
爸爸︰聽日先做啦，媽媽聽日同你一齊做啦。
Dora垂頭喪氣: 唉！本來我真係好想做功課㗎！無得做功課我會唔開心㗎。
一路走進媽媽房，咕嚕一回，便走了出來。
爸爸︰媽咪係咪叫你聽日先做啊？
Dora: 唔係啊！（沒精打彩地）佢話留番Boxing day 先做。
爸爸見狀︰你睇下呢份功課係要剪貼禮物，所以留番boxing day做咩最啱囉！
Dora: 唉！其實我真係好鍾意好鍾意做功課㗎！不如你再俾多D功課俾我啊！
爸爸︰好… ^^"
爸媽傾起佢入院果幾日，佢最擔心係無得做功課。入院後第一日帶咗八本書同一本練習簿，佢一日之內已經做晒。仲叫我再帶。返到嚟功課又唔夠佢做，於是爸爸出動英文字典，等佢慢慢睇。仲叫我幫佢記低邊d字佢識，邊d字佢識讀唔識解。佢對知識嘅渴求實在太大了。
我們一直不會要她做功課，只是建立平台讓她愛知識愛學愛問，並與她一同在真實世界以及網絡上去探索。幸好，Dora很愛學習。
Search